کالا ہرن شکار کیس : سلمان خان کا بیان درج ، کورٹ نے پوچھے 65 سوالات

کالا ہرن شکار کیس میں جے پور کورٹ میں سلمان خان کا بیان درج کرلیا گیا ہے۔ عدالت نے سلمان سے 65 سوالات پوچھے تھے۔ فی الحال سلمان بیان درج کرانے کے بعد کورٹ سے جا چکے ہیں۔ اس کیس میں ملزم سیف علی خان، سونالی بندرے، نیلم اور تبو کورٹ کورٹ میں موجود ہیں۔ واضح رہے کہ سلمان پر کالا ہرن کے شکار کے دوکیس درج ہیں ، جبکہ سیف، تبو، سونالی اور نیلم پر شکار کے لئے اکسانے کا الزام ہے ۔ قصوروار پائے جانے پر سبھی کو 1 سے 6 سال تک کی سزا ہو سکتی ہے، وہیں چاروں کے خلاف آئی پی سی کی دفعہ 148



کے تحت بھی مقدمہ درج ہے اور قصوروار پائے جانے پر 3 سال تک کی سزا ہو سکتی ہے۔ اس سے پہلے سیکورٹی وجوہات کا حوالہ دیتے ہوئے سلمان خان سمیت سبھی ملزمین نے 25 جنوری کی بجائے 27 جنوری کو پیش ہونے کی عرضی دی تھی، جسے عدالت نے منظور کر لیا تھا۔ سلمان خان ہرن شکار کے چار میں سے تین کیس میں بری ہو چکے ہیں اور اب یہ چوتھا اور آخری کیس ہے۔ واضح رہے کہ 1998 میں فلم ہم ساتھ ساتھ ہیں کی شوٹنگ کے دوران سلمان سمیت دیگر ستاروں پر جودھپور ضلع کے کنكاني گاؤں میں کالا ہرن کا شکار کرنے کا الزام ہے۔